Skipströnd á Garðskaga

Skipsströnd voru tíð við Garðskaga. Sjaldan hafa þó orðið mannskaðar vegna þeirra sem oft má þakka skjótum viðbrögðum heimamanna.

Siglingaleiðin fyrir Garðskaga er fjölfarin og var áður fyrr talin viðsjárverð. Þarna ná grynningar langt út, ss. Garðskagaflös, Lambarif og Gerðahólmi. Flest eru ströndin við Garðskaga. Snemma var kallað eftir merkingum og að viðvaranir yrðu settar upp.

Gamli vitinn, sem enn stendur var byggður 1897, en áður höfðu verið sett upp leiðamerki. Sjómenn vissu að flösin var um sjómíla á lengd og lægi í norður og vestur. Því var ráð að sigla djúpt fyrir, en það tók aukinn tíma og eldsneyti. Frá árinu 1903 hafa um 30 skip strandað við Garðskaga, síðast 1987.

Hugmynd kom upp í blaðaskrifum Sveinbjörns Egilssonar sjómanns árið 1916 að setja upp klukkudufl við flasarhausinn. Til slíkrar klukku myndi heyrast langar leiðir í stillu og væri til viðvörunar í dimmviðri. Þó voru uppi efasemdir vegna mikils sjógangs, en lagt var út flotdufl 1932 á 20 metra dýpi. Duflið var uppmjótt, hvítmálað og búið klukku, sem hringdi þegar duflið hreyfðist.

Í dag er tíðin önnur, hár viti leiðbeinir sjófarendum og skip búin góðum siglingartækjum.

Skipströnd í Garðinum, sveitarfélagið Garður, saga Garðs, Garðskagaflös
Skipströnd í Garðinum, sveitarfélagið Garður, saga Garðs
Skipströnd í Garðinum, sveitarfélagið Garður, saga Garðs, Gerðahólmi
Færðu mig upp fyrir alla muni!